Қазалы Қазалы аудандық қоғамдық-саяси газет
» » Рухани жаңғыру бастауы

Рухани жаңғыру бастауы

Жанқожа батыр атындағы №70 мектепте аудандық білім бөлімінің ұйымдастыруымен «Жаңа әліпби – рухани жаңғыру бастауы» тақырыбында семинар-тренинг өтті. Мұндағы басты мақсат – рухани жаңғыру аясында латын әліпбиінің енгізілуін қолдау және тиімділігін дәріптеу. Онда аудандық білім бөлімі әдістемелік кабинетінің меңгерушісі Б.Орымбас латын қарпіндегі қазақ әліпбиін үйрену заман талабы екендігін алға тартып, ұстаздар қауымы оны меңгеруге барынша атсалысуы қажеттігін сөз етті.
№70 мектебінің оқу ісінің меңгерушісі Р.Сәдуақастың жетекшілігімен өткен жиында қазақ тілі мен әдебиеті пәнінің мұғалімдері: Р.Орынбаева, Қ.Жолдыбай, Ж.Сисенбай латын әліпбиі қолданысының тарихи кезеңдеріне шолу жасады.
Сондай-ақ, латын әрпіндегі әліпбидің тиімділігі туралы аргументтерді зерделеді. Олар «Латын әліпбиі – тарих қойнауында», «Жаңа әліпбиге ауысудың тиімді аргументтері», «Жаңа әліпби – рухани жаңғыру бастауы» тақырыптарында баяндама жасады.
Жиында мектеп тренері Ж.Сисенбайдың басқаруымен латын әліпбиін тәжірибеге енгізудің тиімді жолдарын қарастыратын коучинг өткізілді. Коучинг барысында ортаға шыққан қатысушылар үш топқа бөлініп, латын қарпімен жазылған әліпбиді тәжірибеде қолданудың алғышарттарын қарастырды. Тиімді бағыттарын талдады, әліпбиге көшудің маңыздылығын түсінді.
А.ЖИЫЛЫСҚЫЗЫ.
05 наурыз 2018 ж. 1 934 0

Жаңалықтар мұрағаты

«    Қыркүйек 2022    »
ДсСсСрБсЖмСбЖс
 1234
567891011
12131415161718
19202122232425
2627282930 
  • Қытайда екі миллиардтан астам вакцина салынды