Жақында Өркендеу ауылдық клубында латын әліпбиіне көшу туралы бастаманы жастарға насихаттау мақсатында «Латын әліпбиі – саналы сауат» атты пікірталас кеші өтті.

Шараны жастар ұйымының төрағасы Т.Мырзалиев ашып жүргізіп, жастарға қоғамдық жұмыстарға белсенді қатысуға шақырды. Елбасының «Болашаққа бағдар: рухани жаңғыру» мақаласындағы пайымдарды да тілге тиек етті. Пікірталас кешке Малика Абатова мен Айжанат Тұрмахан қатысып, жастарға латын әліпбиі туралы баяндамаларын жасап, ойларымен бөлісті. Кешті Өркендеу ауылдық клубының меңгерушісі Б.Рсалы қортындылап жастарға алғыс білдірді. Алдағы өткізілетін мәдени-көпшілік шараларға да белсене қатысуға шақырды. Кеш соңы концерттік бағдарламаға ұласты.