Айыппұлдың бар-жоғын енді «e-Salyq Аzamat» мобильді қосымшасында тексеруге болады
Айыппұлды тексеру функциясы «e-Salyq Аzamat» мобильді қосымшасында пайда болды. Осылайша, қосымша интерфейсінде қазақстандыққа қажетті барлық сұраныстарды шоғырландыра отырып, қызмет аясын кеңейтті.«е-Salyq Azamat» әзірлеушілері қолданыстағы қызметтерге әкімшілік құқық бұзушылықтар үшін төленбеген айыппұлдарды тексеру мүмкіндігін қосты. Қосымша арқылы айыппұл түрін және мемлекеттік кірістер органының кодын көрсете отырып, «реквизиттер бойынша төлеу» қызметінде жүзеге асыру мүмкін. Бұл функция қол жетімді болуы үшін AppStore және/немесе PlayMarket -те мобильді қосымшаны жаңарту қажет (мобильді құрылғы моделіне байланысты).
Қазіргі кездегі ең сұранысқа ие қызмет – Жалпыға бірдей декларациялаудың бірінші кезеңінде декларацияны тапсыру қызметі. «е-Salyq Azamat» тегін мобильді қосымшасын App Store немесе Play Market-тен жүктеуге болады. Авторизация әдістері туралы ақпарат мобильді қосымшада бар. Қосымшаны пайдалану бойынша қадамдық нұсқаулар МКК YouTube каналында орналастырылған. Толығырақ ақпаратты ҚР Қаржы министрлігі Мемлекеттік кірістер комитетінің сайтында немесе «1414» телефоны бойынша алуға болады.
Н.ЕРЖАНОВ,
Қазалы ауданы бойынша
Мемлекеттік кірістер басқармасының бас маманы
