Мүлік салығын төлеу мерзімі ұзартылды – бүгін соңғы күн
Жеке тұлғалар үшін мүлік салығын төлеу мерзімінің соңғы күні 3 қазанға ауыстырылды. Ал ертеңнен бастап өсімпұл жүреді, деп хабарлайды sputnik.kz мемлекеттік кірістер комитетіне сілтеме жасап.Салық кодексінің 38-бабы, 2-тармағының ережесіне сәйкес, егер салық міндеттемесін орындау мерзімінің соңғы күні демалыс күніне келетін болса, онда төлем мерзімі келесі жұмыс күнінің соңында аяқталады.
"Сондықтан 1 қазанға дейін төлем жасай алмаған азаматтар бүгін салығын өтей алады. Ертең, яғни, 4 қазанда өсімпұл есептеле бастайды", - дейді комитет мамандары.
Айта кетері, салық сомасын kgd.gov.kz сайтында және E-salyq Azamat мобильді қосымшасында "Алдағы төлемдер" сервисінен, сондай-ақ банктердің Homebank және Kaspi.kz (мемлекеттік қызметтер – салық – көлік және мүлік салығы- ЖСН теру) мобильді қосымшаларында білуге болады.
Салық бойынша берешектің бар-жоғын "e-Salyq Azamat" (AppStore, PlayMarket) мобильді қосымшасы→Электрондық сервистер→Салық және әлеуметтік төлемдер бойынша берешек сервисі→ЖСН енгізу арқылы тексеруге мүмкіндік бар.
