Актив оқуы өтті

Өткен аптада Қызылорда қалалық С.Сейфуллин атындағы №4 қазақ орта мектебінде Елбасының «Болашаққа бағдар: рухани жаңғыру» бағдарламалық мақаласындағы алты басым бағыттарын кеңінен түсіндіру мақсатында актив оқуы өткізілді. 

Басқосуға облыстық «Жастар ресурстық орталығы» директоры Жасұлан Алдабергенов, қалалық білім бөлімінің басшысы Ақарыс Нұрсейітов қатысты. Оқу барысында ұлттық қолөнер бұйымдарының және робототехника бұйымдарының көрмесі ұйымдастырылды. Қатысушыларға «Рухани жаңғыру» өңірлік жобалық басқару офисінің «Тәрбие және білім» бөлімінің басшысы Әлима Әбдіхалықова бағдарламалық мақаланың жалпы идеологиясын «Ұлттық сана» тұрғысында түсіндірді.

Сондай-ақ, «Бәсекеге қабілет», «Білімнің салтанат құруы», «Прагматизм» бағыттары бойынша семинар-тренинг өтті.

Шара пленарлық отырыспен қорытындыланады.