Қалалық кітапханада Н.Ә.Назарбаевтың «Болашаққа бағдар: рухани жаңғыру» мақаласы аясында қазақ халқының рухани көсемі, ұлт ұстазы, қоғам қайраткері Ахмет Байтұрсынұлының туғанына 145 жыл толуына арналған «Дарынды ғалым, ұлағатты ұстаз» атты тарихи-танымдық кеш өткізілді. Онда «Ұлт ұстазы» атты кітап көрмесі ұйымдастырылды.

Қазақ елінің келешегін тәуелсіздікке жетелеген халықтың рухани жетекшісі А.Байтұрсынов туралы білімдерін жетілдіру мақсатында ұйымдастырылған жиында кітапхана оқырмандары, мектеп мұғалімдері мен оқушылары, Қазалы аграрлы-техникалық колледжінің студенттері қатысты.

Танымдық басқосуда Ғ.Мұратбаев атындағы №17 мектептің 10 сынып оқушылары Ақниет Орысбек, Аяжан Әділхан, Арухан Сраж, Ақтоты Қожбан, Жадыра Аманжолова ақын өлеңдерін жатқа оқыды.

Кешті аудандық орталықтандырылған кітапханалар жүйесінің директоры И.Назарова қортындылап, белсене қатысқан оқушыларды «Алғыс хатпен» марапаттады.