Қызу қолдау көрсетілді
Қазалы қалалық кітапханасында Қазақстан Республикасының Президенті Қасым-Жомарт Тоқаевтың “Сындарлы қоғамдық диалог – Қазақстанның тұрақтылығы мен өркендеуінің негізі” атты халыққа Жолдауы кітапхана қызметкерлері мен оқырмандар арасында талқыланды.Кітапхана меңгерушісі Г.Пірімбетова мемлекет басшысының Жолдауы – тарихи құжат екенін атап өтті. Оның стратегиялық маңыздылығы мен белгілі бір мерзімде нақты міндеттер мен мәселелерді шешуді қамтамасыз етуге бағытталғандығын айтты. Өз кезегінде сөз алған кітапхана оқырмандары Ө.Күлімбетов, Қ.Саниязов, Қ.Нұртазаев, кітапхана қызметкері Б.Есқалиев, қалалық мәдениет үйінің қызметкері А.Мамбетов қызу қолдау білдіріп, ой-пікірлерін ортаға салды. Жиын соңында қатысушыларға “Мақсатымыз – айқын, жолымыз – ашық” атты кітап көрмесі таныстырылды.
Жаңагүл ЕРІМБЕТ,
кітапханашы
