Қазалы Қазалы аудандық қоғамдық-саяси газет
» » Жолдау жаңа міндет жүктейді

Жолдау жаңа міндет жүктейді

Аудан әкімдігінде Қазақстан Республикасының Президенті Қасым-Жомарт Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» атты халыққа арнаған алғашқы Жолдауының негізгі міндеттерін түсіндіруге бағытталған аудан активінің жиыны өтті.

Жиынға облыстық, аудандық мәслихат депутаттары, кент, қала, ауылдық округ әкімдері, құқық қорғау, жергілікті және аумақтық атқарушы орган басшылары, жастар, үкіметтік емес ұйымдар мен бұқаралық ақпарат құралдары өкілдері қатысты.
Басқосуда аудан әкімінің орынбасары Әлімжан Жарылқағанов маңызды құжатта айқындалған бес бағыттың әрқайсысына жан-жақты тоқталды.

– Жолдауда ішкі саяси мәселелер, мемлекеттік институттардың рөлін нығайту, азаматтардың құқықтары мен бостан­дықтарын қорғау, экономиканы жаңғырту, халықты әлеуметтік қамсыздандыру мәселе­лері қамтылды. Әсіресе, мемлекет­тілікті ны­ғайту, отандық бизнесті қолдау, халықты әлеуметтік қорғау және экономиканы дамыту мәселелеріне ерекше мән берілді. Азаматтардың барлық өтініш-тілектерін жедел әрі тиімді қарастыратын «Халық үніне құлақ асатын мемлекет» тұжырымдамасын іске асыру міндеті қойылды. Сондай-ақ, Президент қоғамдағы өзекті мәселерге айналған митингілерді ұйымдастыру тәртібін жаңар­туды, қазақ тілінің мемлекеттік тіл ретіндегі рөлін, жеріміздің шетелдіктерге сатылмайтынын, жыныстық зорлық-зомбылық, педофилия, есірткі тарату, адам саудасы және басқа да ауыр қылмыстарға, әсіресе, балаларға қатысты бұзақылықтарға қолданылатын жазаны шұғыл түрде қатаңдатуды тапсырды. Бұл өз кезегінде Мемлекет басшысының елді толғандырған барлық жағдайды білетінін аңғартады. Сондықтан, бұл Жолдау – елдегі ахуалды жақсарту жөніндегі іс-қимылдардың нақты жоспарына айналады деп сенемін, – деді ол.

Мұнан соң жас кәсіпкер Гүлсая Құт­жанова:
– Кәсіпкерлік – экономиканы дамытудың басты көзі. Соңғы кездері, елде жас кәсіпкерлерге арналған бағдарламалар аясында шағын және орта бизнесті өркендетуге айрықша назар аударылуда.

Олай дейтінім, мен де жас кәсіпкерлердің бірімін, өз ісімді бастағаныма көп бола қойған жоқ. Қазіргі таңда мемлекет қамқор­лығының арқасында шаруамды дөңгелетіп әкеттім. Менің кәсібімді кез келген жас істей алады деп есептеймін. Тек кім-кімге де ынта-ықылас керек.
Сондықтан жастарды Мемлекет басшы­сының идеяларын қолдауға шақы­ра­мын, қиындықтан қорықпай алға ұмтылыңыздар. Себебі кәсіпкерлік халықтың жағдайын арттырумен қатар, қосымша жұмыс орындарының ашылуына септігін тигізеді. Ал, халық тұрмысының көтерілуі – ел экономикасын еселей түседі, – деген ойын жеткізді.

Сонымен қатар Жанқожа батыр атындағы №70 мектептің психологі Айгүл Жұбаназар Жолдаудағы ұстаздар қауымына деген жарқын ілтипатты атап өтті. Келесі кезекте «Жетесби» ауылдық емханасының дәрігері Мерей Жанғабылов, аудандық мәдениет орталығының ұйымдастырушысы Мөлдір Малдыбаева, жастар ресурстық орталығының аға кеңесшісі Нұрбек Ақпанбетов Жолдауға қолдау білдіріп, пікірлерін ортаға салды.

Жиынды қорытындылаған аудан әкімінің орынбасары Ә.Жарылқағанов ел дамуының бағыт-бағдары айқындалған құнды құжат­тағы келелі міндеттерді жүзеге асыруға мүмкіндік мол екенін алға тартып, аудан экономикасының қарқынды дамуы жолында аянбай еңбек етуге шақырды.

Сахи ҚАПАР

10 қыркүйек 2019 ж. 30 0

Руханият

Өмір туралы өсиет

Өмір туралы өсиет

13 қыркүйек 2019 ж.
Ой салар әңгімелер

Ой салар әңгімелер

13 қыркүйек 2019 ж.
Үш жау

Үш жау

12 қыркүйек 2019 ж.
Ықылас

Ықылас

11 қыркүйек 2019 ж.
Ауыл өмірі айшықталған

Ауыл өмірі айшықталған

11 қыркүйек 2019 ж.

Жаңалықтар мұрағаты

«    Қыркүйек 2019    »
ДсСсСрБсЖмСбЖс
 1
2345678
9101112131415
16171819202122
23242526272829
30