“Семей-Невада” қоғамдық бірлестігінің төрағасы №66 сайлау учаскесінде дауыс берді

Қазалы ауданындағы №66 сайлау учаскесінде “Семей-Невада” қоғамдық бірлестігінің аудандық төрағасы Күлімбетов Өмірбек өз жұбайы Күлімбет Қымбат Өтегенқызымен бірге белсенді азаматтық позициясын көрсетті. Олар өз таңдау құқығын пайдаланып, дауыс беруге келген тұрғындарға үлгі көрсетіп, сайлау процесінің ашық әрі әділ өтуіне деген сенімдерін білдірді. Сайлау учаскесінде тыныш және ұйымдасқан атмосфера қалыптасқан, комиссия мүшелері барлық қауіпсіздік талаптарын сақтай отырып, тұрғындарды қабылдады. Күлімбетовтар отбасы қоғамдық өмірге қатысып, демократиялық құндылықтарды қолдаудың маңыздылығын атап өтті.