Саяси серпін: сайлау учаскесінде белсенділік жоғары
Қазалы ауданындағы №376 сайлау учаскесінде саяси науқан ұйымшылдықпен басталып, сайлаушылар белсенділік танытуда. Таңертең мемлекеттік Әнұранмен ашылған учаскеде комиссия мүшелері жұмыстарын нақты үйлестіріп, сайлаушыларды жылы қабылдауда.
Алғашқы дауыс беруші Қазыбек Қожақов сайлау маңызды сәт екенін атап өтіп, әр азаматтың дауысы – ел болашағы үшін жасалған қадам екенін айтты. Сондай-ақ, ең қарт сайлаушы ретінде келген Садрин Сапаров та өз таңдауын жасап, жастарға үлгі көрсетті.
Жалпы, сайлау учаскесінде тұрғындарға қолайлы жағдай жасалып, ұйымшылдық байқалды. Жастар мен ардагерлердің қатар дауыс беруі – қоғамдағы саяси мәдениеттің нығайғанын білдіреді.
