Үй ішімен келіп, үн қосты
Қазалы ауданының №81 сайлау учаскесінде таңғы сағаттардан бастап сайлаушылар белсенділік танытуда. Осы учаскеде жергілікті қоғамдастық төрағасы Әбдікер Жасарал отбасымен бірге келіп, жаңа аудан әкімін сайлау науқанында өз таңдауын жасады.Әбдікер Жасарал сайлаушыларға сәттілік тілеп, әрбір азаматтың ел болашағы үшін саналы әрі белсенді қатысуының маңыздылығын атап өтті.
Сайлау учаскесі жоғары деңгейде ұйымдастырылған, санитарлық талаптар мен қауіпсіздік шаралары толық сақталуда. Комиссия мүшелері сайлау процесінің әділ әрі ашық өтуіне барлық жағдайды жасауда.
Әбдікер Жасаралдың үлгісімен басқа да тұрғындар дауыс беруге асығып, саяси науқанның маңыздылығын сезініп отыр. Сайлау кешкі сағат 20.00-ге дейін жалғасады, ал ауданның болашағы бүгінгі күннің нәтижесіне тікелей байланысты болады.
