Аудан әкімінің құттықтауы
Құрметті жерлестер!Сіздерді келіп жеткен жаңа 2024 жылмен шын жүректен құттықтаймын!
Жаңа жыл – өткен жылға көз жүгіртіп, таразылайтын, жаңа бастамалар мен ізденістерге тың қадам жасайтын, жақсылыққа ұмтылатын, жаңаша ойларға жол сілтейтін ерекше мереке.
Өткен қоян жылы халқымыз үшін шын мәнінде бірлік пен берекенің, жаңа жетістіктер мен мүмкіндіктердің кезеңі болды. Бұл жыл Қазалы ауданы үшінде табысты жыл болды. Қазалы ауданының 95 жылдық мерейтойымен тұспа-тұс келген жыл аясында ауқымды жұмыстар атқарылды. Түйткілді мәселелер шешімін тапты. Аудан халқы үшін бірқатар нысандар бой көтеріп, пайдалануға берілді.
Бұл – Мемлекет басшысының қолдауымен, халқымыздың бірлігінің арқасында жеткен жетістіктер.
Ардақты ағайын!
Халқымызда «Ескi жыл есiркесiн, жаңа жыл жарылқасын» деген сөз бар. Өткен жылға өкпе жоқ десек, келер жылдан күтер үмiтiмiз де, тiлер тiлегiмiз де жетерлiк.
Алдымызда үлкен мақсат-міндеттер тұр. Жаңа ұлу жылы еліміздің жаңа белестерді бағындырып, жарқын келешекке бастайтынына үлкен сенім артамыз.
Жаңа жылда мерейлеріңіз үстем болып, игі тілектеріңіз жүзеге ассын. Еліміздің ырысы артып, жемісті жыл болсын.
Тәуелсіз Қазақстанымыздың тұғыры қашан да берік, туы биік болсын!
Құрметпен,
Мұхтар Оразбаев,
Қазалы ауданының әкімі
