15 қыркүйек күні Қазалы қаласында сенбілік жұмыстары өз жалғасын тапты. Сенбілікке қала көлеміндегі мекеме, кәсіпорын қызметкерлері қатыстырылды.

Сенбілік кезінде, Ғ.Мұратбаев атындағы саябақ тазартылса, Қорқыт ата, Жалаңтөс батыр, Түктібаев, Жанқожа батыр көшелерінің бардюр жиектері мен жаяу жүргіншілер жолы, аяқ су жүретін арықтары тазаланып, бардюрлері әктеліп, талдарға күтім жасалынды. Сонымен қатар, бекітілген іс-шара жоспарына сәйкес, мекемелер өздерінің бөлінген көшелерінде тиісті жұмыстарын жүргізсе, жиналған күл-қоқыстар 3 техникамен арнайы тұрмыстық қатты қалдықтар төгетін орынға шығарылып, аталған сенбілік өз дәрежесінде өткізілді.