Тазалық айлығы жалғасуда
Кеше Әйтеке би кентіндегі 5 квартал аймағында аудан тұрғындары сенбілікке шықты. Тазалық айлығына орай 2 ай көлемінде жалғасатын сенбілік жұмыстарына біркісідей атсалысып, аудан тазалығына өз үлестерін қосты. Көше маңын қоқыстан тазартып, ауданның көгалдандыру, абаттандыру жұмыстарын жүргізді.
Акция аясында әр сенбі сайын барлық мемлекеттік мекемелер, сондай-ақ кәсіпорындар мен ұйымдардың өкілдері, аудан тұрғындары сенбілікке шығып, ауданымыздың тазалығына үлес қосуда.
Айта кетейік, кешегі сенбілікке Қазалы қаласының тұрғындары да белсене атсалысты. Сенбілік барысында парктер, көшелер, арықтар тазаланып, күл-қоқыстар арнайы орынға шығарылды. Көше жиегіндегі бардюрлар, талдар ақталып жаяу жүргіншілер жолы да сыпырылды.
"Қазалы" ақпарат.
