Бекарыстан би ауылындағы А.Нұрпейісов көшесіне асфальт төселді
Қазалы ауданының Бекарыстан би ауылында бұған дейін тасжол мүлде төселмеген көшелер бар. Соның бірі Майдакөл ауылдық округінің алғашқы басқарма төрағасы болған Алпысбай Нұрпейісов атындағы көше.Аталған көше бойында заңсыз орналасқан бақшалық жерлер мен қора-жайлар, қоршаулар ауылдың сәнін кетіріп қана қоймай, жауын-шашын кезінде көліктер мен тұрғындардың жүруіне қолайсыздық тудыратын.
Бүгінгі таңда бұл мәселе «Ауыл – ел бесігі» жобасы арқылы өз шешімін тапты. Көшенің ені талапқа сай кеңейтіліп, аяқсу құбырлары ауыстырылып, электр бағаналары жол бойымен түзу орналастырылды. Ең бастысы бұрыннан жол жабыны салынбаған көшенің негізгі қабаты күшейтіліп, асфальт төселді. Жаңа жол жақын арада пайдалануға беріледі.
"ҚАЗАЛЫ" ақпарат
