Бұзақылық фактісі бойынша қылмыстық іс тараптардың татуласуына байланысты тоқтатылды
Қазалы аудандық сотында ҚР ҚК-нің 293-бабының 1-бөлігімен айыпталған М.-ға қатысты қылмыстық іс электронды нысанда қаралды.Іс-құжаттарына қарағанда, сотталушы М. Әйтеке би кентіндегі «505» кафесінің жанында Ш.-ның себепсізден-себепсіз көзінен ұрып, жәбірленушінің денсаулығына жеңіл зиян келтірген.
Сот отырысы барысында жәбірленуші мен сотталушы дауды медиация тәртібінде реттеу туралы өзара келіскен жазбаша келісімді сотқа ұсынды.
Сот қаулысымен ҚР ҚК-нің 293-бабының 1-бөлігінде көзделген қылмыс жасаған М.-ның жәбірленушімен медиация тәртібімен татуласуына байланысты, ҚР ҚК-нің 68-бабының 1-бөлігінің негізінде сотталушы қылмыстық жауаптылықтан босатылып, қылмыстық іс тоқтатылды.
Қаулы заңды күшіне енбеген.
Қазалы аудандық сотының баспасөз қызметі
