Қазалы аудандық сотында Қазақстан Республикасы ҚК-нің 293-бабының 1-бөлігімен айыпталған сотталушы Т.-ның қылмыстық ісі қаралды.

Іс құжаттарына сәйкес, сотталушы Т. Әйтеке би кенті, Пірімов көшесінде орналасқан «Тропикал» кафесінде жәбірленуші Г.-ны бетінен ұрып, қоғамдық тәртіпті анық құрметтемеушілікпен көрінетін, азаматтарға күш қолданып, бұзақылық жасап, жәбірленушінің денсаулығына жеңіл зиян келтірген.

Сот отырысы барысында жәбірленуші мен сотталушы дауды медиация тәртібінде реттеу туралы өзара келіскен жазбаша келісімді сотқа ұсынды.

Сот қаулысымен ҚР ҚК-нің 293-бабының 1-бөлігінде көзделген қылмыс жасаған Т.-ның жәбірленушімен медиация тәртібімен татуласуына байланысты, ҚР ҚК-нің 68-бабының 1-бөлігінің негізінде сотталушы қылмыстық жауаптылықтан босатылып, қылмыстық іс тоқтатылды.

Қаулы заңды күшіне енбеген.