Бұзақылық фактісі бойынша қылмыстық іс тараптардың татуласуына байланысты тоқтатылды
Қазалы аудандық сотында ҚР ҚК-нің 293-бабының 1-бөлігімен айыпталған А.-ға қатысты қылмыстық іс электронды нысанда қаралды.
Іс құжаттарына сәйкес, сотталушы А. жәбірленуші И.-дың "MERSEDES BENZ" маркалы автокөлігінің алдыңғы сол жақ жарық фарын аяғымен теуіп сындырып, бөтеннің мүлкін бүлдіріп, бұзақылық жасаған.
Істі сотта қарау барысында сотталушы А. жәбірленушімен татуласып, келтірілген зиянды қалпына келтірген.
Сот қаулысымен сотталушы А. Қазақстан Республикасы ҚК-нің 68-бабының 1-бөлігінің негізінде қылмыстық жауаптылықтан босатылып, қылмыстық іс тоқтатылды.
Қаулы заңды күшіне енген жоқ.
Қазалы аудандық сотының баспасөз қызметі