Қазалы аудандық сотында ҚР ҚК-нің 188-бабының 2-бөлігінің 3-тармағымен сотқа берілген Н.-ға қатысты қылмыстық іс қаралды.

Сотта анықталғандай, сотталушы Н. бөтеннің мүлкін қоймаға заңсыз кіріп, жасырын жымқыру мақсатында, жәбірленуші Н.-ның автокөлік жөндеу орталығына жасырын кіріп, 4-дана аккумуляторлар болгарка аппаратын ұрлап,соңғыға 105 000 теңге мүліктік зиян келтірген.

Басты сот талқылауында, сотқа жәбірленуші мен сотталушының араларында туындаған дауды медиация тәртібімен реттеу туралы келісім түсті.

Сот қаулысымен ҚР ҚК-нің 188-бабының 2-бөлігінің 3-тармағымен айыпталған Н.-ға қатысты қылмыстық ісі Қазақстан Республикасының ҚК-нің 68-бабының 1 -бөлігімен, жәбірленушінің сотталушымен татуласуына байланысты медиация тәртібінде қылмыстық жауаптылықтан босатылып өндірістен тоқтатылды.

Қаулы заңды күшіне енбеген.