Қылмыстық іс медиация тәртібімен тоқтатылды

Қазалы аудандық сотында Қазақстан Республикасы ҚК-нің 293-бабының 1-бөлігімен айыпталған сотталушы Ж.-ның қылмыстық ісі қаралды.

Іс құжаттарына сәйкес, сотталушы Ж. Әйтеке би кентіндегі "Матай" дүкенінде жәбірленуші З.-ны ұрып-соғып, қоғамдық тәртіпті анық құрметтемеушілікпен көрінетін, азаматтарға күш қолданып, бұзақылық жасап, жәбірленушінің денсаулығына жеңіл зиян келтірген.

Басты сот талқылауында, сотталушы мен жәбірленуші «Медиация туралы» Заңының тәртібімен өзара татуласып, келісімге келіп, істі қысқарту үшін медиативтік келісімді сотқа ұсынды.

Сот қаулысымен азаматша Ж. ҚР ҚК-нің 68-бабының 1-бөлігіне сәйкес тараптардың медиация тәртібімен татуласуларына байланысты қылмыстық жауаптылықтан босатылып, қылмыстық іс өндірістен тоқтатылды.

Қаулы заңды күшіне енбеген.