Қазалы аудандық сотында Қазақстан Республикасының ҚК-нің 188-бабының 3-бөлігімен сотталушы А., Т. және Е.-ге қатысты қылмыстық іс қаралды.

Іс құжаттарына сәйкес, сотталушылар адамдар тобының алдын-ала сөз байласуы бойынша, бөтен мүлікті ірі мөлшерде, пайдакүнемдік ұрлау мақсатында далалық жерде жайылып жүрген, іс бойынша жәбірленуші Ә.-ның иелігіндегі 50 бас қойын, 9 бас қозысын, 3 бас ешкісін, 13 бас лағын жасырын ұрлап, сатып бас пайдаларына жаратып, жалпы құны жәбірленуші Ә.-ге 2 374 000 теңге көлемінде мүліктік зиян келтірген.

Аталған қылмыстық іс бойынша процестік прокурор мен сотталушылар арасында кінәні мойындау туралы мәміле түріндегі процестік келісім жасалған.

Сот үкімімен сотталушылар ҚК-нің 188-бабы 3-бөлігімен кінәлі деп танылып, оларға 3 жыл мерзімге бас бостандығынан айыру жазасы тағайындалды. ҚК-нің 63-бабының негізінде бас бостандығынан айыру жазасы шартты деп саналды.