Қазалы аудандық сотында Қазақстан Республикасы Қылмыстық Кодексінің 346-бабының 1-бөлігімен сотқа берілген А.-ға қатысты қылмыстық іс қаралды.

Сотпен, азамат А. алкогольдік масаю күйінде автокөлікті басқарғаны үшін Қазалы аудандық сотының 12 тамыз 2015 жылғы қаулысымен ҚР-ның ӘҚБтК-нің 608 бабының 1 бөлігімен кінәлі деп танылып, 3 жыл мерзімге көлік құралын басқару құқығынан айырылған. Алайда 26 қараша 2017 жылы «FIAT» маркалы автокөлігін Әйтеке би кенті, Жанқожа батыр көшесінде көлік құралын басқаруға құқық беретін құжатсыз алкогольдік масаю күйінде басқарғаны анықталған.

Сотталушы А. өзіне тағылған айыпты толығымен мойындады.

Сот үкімімен А. Қазақстан Республикасы Қылмыстық Кодексінің 346-бабының 1-бөлігінде көзделген қылмысты жасауда кінәлі деп танылып, 3 жыл мерзімге көлік басқару құқығынан айыра отырып, 120 сағатқа қоғамдық жұмыстарға тарту жазасы тағайындалды.

Үкім заңды күшіне енбеген.