Үлкен көлемде алаяқтық жасағаны үшін сотталды

Қазалы аудандық сотында сотталушы Ж. Қазақстан Республикасының ҚК-нің 190-бабы 3-бөлігінің 1-тармағымен айыптау бойынша қылмыстық іс қаралды.

Сотталушы Ж. бөтеннің мүлкін сенімді теріс пайдалану жолымен, бөтен мүлікке құқықты иемденіп ірі мөлшерде жымқыру мақсатында, жәбірленуші Д-ның жеке куәлік көшірмесін өзімен бірге алып барып, Қазпошта мекемесінің бөлім басшысы Ж-ға көрсетіп, «анам еді, анамның көзі көрмейді, жүре алмайды, сондықтан анамның есеп-шотындағы 3 403 500 теңгенің, 2 369 465 теңгесін аламын, қалған 1 000 000 теңгесі қала берсін» деп алдап, алаяқтық жолмен Д-ға 2 369 465 теңге ірі мөлшерде зиян келтірген.

Сотталушы сотта тағылған айыпты толығымен мойындады.

Сот мәжілісінде жәбірленуші сотталушымен татуласып, оған бас бостандығын айырумен байланысты емес жазаны тағайындауды сұрады.

Сот Ж-ны ҚР ҚК-нің 190-бабы 3-бөлігі 1-тармағымен көзделген қылмысты жасағаны үшін кінәлі деп тауып, оған 3 жыл мерзімге бас бостандығынан айыру жазасын тағайындады. ҚР ҚК-нің 63-бабының негізінде тағайындалған жаза шартты түрде деп есептелді.