Тараптардың татуласуына байланысты қылмыстық іс тоқтатылды

Қазалы аудандық сотында Қазақстан Республикасы Қылмыстық кодекстің 188-бабының 1-бөлігімен сотқа берілген сотталушы М.-ға қатысты қылмыстық іс қаралды.

Сотта анықталғандай, сотталушы М. №377 «Алматы-Маңғышлақ» жолаушылар поездында жәбірленуші Н.-ға тиесілі «Samsung galaxy A-5» маркалы ұялы телефонын жасырын жымқырып, жәбірленуші Н.-ға 130 000 теңге көлемінде материалдық шығын келтірген.

Сотталушы М. сот талқылауында кінәсін толық мойындап, жәбірленуші Н.- мен татуласқандықтан істі қысқартып, жауаптылықтан босатуды сұрады.

Сот қаулысымен М.-ға қатысты қылмыстық іс жәбірленушінің сотталушымен татуласуына байланысты ҚР ҚК-нің 68-бабының 1-бөлігінің негізінде қысқартылды.

Қаулы заңды күшіне енген жоқ.