СЕНБІЛІККЕ АУДАН ХАЛҚЫ БЕЛСЕНЕ ҚАТЫСТЫ
Сенбі күні ауданымызда жалпыхалықтық сенбілік өтті. Аудан аумағын көріктендіру, санитарлық тазалау және көгалдандыру мақсатында ұйымдастырылған сенбілікке қатысушылар Əйтеке би кентінің 5 квартал аумағындағы Қ.Ерімбет көшесінің бойын қоқыстан тазартып, тазалық жұмыстарын жүргізді. Арнайы көліктер қоқыстарды аудан сыртына шығарды. Қызу түрдегі қыруар еңбек аудан көшелерінің шырайына шырай қоса түскендей. Сенбілікке қатысушылар аудан көшелері мен аулаларының тазаруына мол үлестерін қосты. "Алдағы уақытта да бұл шара аяқсыз қалмайды", - дейді сенбілікке атсалысушылар.
