Қазалы аудандық сотында Қазақстан Республикасы ҚК-нің 346-бабының 1-бөлігімен сотталушы Е.-ге қатысты қылмыстық іс электронды нысанда қаралды.

Сотталушы Е., көлік құралын басқару құқынан айырылған адам бола тұра, Қазалы қаласы, Мұратбаев көшесінің бойында "ВАЗ-21063" маркалы автокөлігін алкогольдік масаң күйінде басқарған.

Сот үкімімен азамат Е. Қазақстан Республикасы Қылмыстық кодексінің 346-бабының 1-бөлігімен көзделген қылмыстық теріс қылық жасағаны үшін кінәлі деп танылып, оған 3 жылға автокөлік құралын басқару құқығынан айырумен қатар, 150 сағат көлемінде қоғамдық жұмыстарға тарту түрінде жаза тағайындалды.

Үкім заңды күшіне енбеген.

Ескере кететін жайт, бұл қылмыстық іс жыл басынан бастап аудандық сотта электронды форматта қаралған он жетінші іс болып отыр.