Сот теріс қылық жасағаны үшін автокөлік құралын басқару құқығынан айырумен айыппұл тағайындады

Қазалы аудандық соты азамат Ж.-ға қатысты қылмыстық теріс қылық жасағаны үшін қылмыстық іс қарады.

Сот анықтағандай, азамат Ж.Әйтеке би кенті, Қазбек би көшесінің бойында автокөлік құралын басқару құқығынан айырылған тұлға бола тұра, алкогольдік масаң күйде автокөлік құралын басқарып, жол полиция қызметкерлерімен ұсталынды. Медициналық куәландыру қорытындысына сәйкес азамат Ж. орта дәрежеде алкогольдік масаң күйде болғаны анықталды.

Сот үкімімен азамат Ж. ҚР ҚК-нің 346-бабының 1-бөлігімен қылмыстық теріс қылық жасағаны үшін кінәлі деп танылып, оған 3 жылға автокөлік құралын басқару құқығынан айырумен, 60 125 теңге мөлшерінде айыппұл түрінде жаза тағайындалды.

Үкім заңды күшіне енген жоқ.