Қазалы аудандық сотында Қазақстан Республикасы ҚК-нің 346 -бабының 1-бөлігімен сотталушы М.-ға қатысты қылмыстық іс электронды нысанда қаралды.

Сотталушы М. Қазалы аудандық сотының 29 қаңтар 2018 жылғы қаулысымен көлік құралын басқару құқығынан 3 жыл мерзімге айырылған. Алайда, ол осыған қарамай, «BMW 520» автокөлігін алкогольдік масаю күйінде басқарып келе жатып, жол-полиция қызметкерлеріне ұсталған.

Сот отырысында азамат М. кінәсін толық мойындап, жасаған әрекетіне өкінетінін білдірді.

Сот үкімімен М. Қазақстан Республикасының ҚК-нің 346- бабының 1-бөлігінде көзделген қылмыстық құқық бұзушылық жасауда кінәлі деп танылып, транспорттық құралдарды басқару құқығынан 3 жыл мерзімге айыра отырып, 25 айлық есептік көрсеткіш түрінде 60 125 теңгені құрайтын айыппұл түріндегі жазасы тағайындалды.

Үкім заңды күшіне енген жоқ.

Ескере кететін жайт, бұл қылмыстық іс жыл басынан бастап аудандық сотта электронды форматта қаралған бесінші іс болып отыр.