Қазалы аудандық сотына Қазақстан Республикасы ҚК-нің 296-бабының 2-бөлігімен сотталушы А.-ға қатысты қылмыстық іс электронды нысанда түсті.

Әйтеке би кентіндегі Қ.Пірімов көшесінің бойында сотталушы А.-ның шалбарының оң жақ қалтасынан темекі қорабына салынған жасыл түсті шөп тәріздес есірткі заты табылған. Қызылорда облысы бойынша сот сараптама институтының қорытындысына сай, А.-дан тәркіленіп алынған зат - салмағы 0,70 грамм кептірілген марихуана есірткісі болып табылған.

Сотталушының қылмыстық теріс қылық әрекеті, сотта өзінің айыбын мойындап берген жауабымен қатар, іс құжаттарымен толық дәлелденді.

Сот үкімімен А. ҚР ҚК-нің 296-бабының 2-бөлігімен кінәлі деп танылып, 120 сағат көлемінде қоғамдық жұмысқа тарту жазасын кесілді.

Үкім заңды күшіне енген жоқ.