Қазалы аудандық сотында талап қоюшы И.-дың жауапкер Н-дан ортақ мүлкін бөлу туралы азаматтық ісі қаралды.

Талап қоюшы талабында жауапкерден бірге тұрған уақытта бірігіп сатып алынған ортақ тұрғын үйдің құнының жарты бағасын өндіріп беруді сұраған.

Азаматтық істі қарау барысында тараптар дауды партисипативтік рәсім тәртібімен реттеу туралы келісімге келді.

Сот тараптардың тілегін ескере отырып, ерлі-зайыптыларға тиесілі ортақ мүлікті бөлу туралы азаматтық іс бойынша тараптар арасында келісілген дауды партисипативтік рәсім тәртібімен реттеу туралы келісімін бекітті.

Сот ұйғарымы заңды күшіне енбеген.

Жыл басынан бері Қазалы аудандық сотында дауды партисипативтік рәсім тәртібімен реттеу туралы 5 келісім бекітілді.