Қазалы Қазалы аудандық қоғамдық-саяси газет
» » Банктік шарт бойынша қарыз оңайлатылған іс жүргізу арқылы өндірілді

Банктік шарт бойынша қарыз оңайлатылған іс жүргізу арқылы өндірілді

Қазалы аудандық соты талап қоюшы «Еуразиялық банк» АҚ жауапкер Ж.-дан несие қарызын және мемлекеттік баж шығынын өндіру туралы азаматтық ісін оңайлатылған (жазбаша) іс жүргізу тәртібімен қарады.
Азаматтық істің құжаттарынан, 2014 жылдың желтоқсан айында «Еуразиялық банк» АҚ және Ж. арасында 83 ай мерзімге, 1 396 397 теңге соммасын беру туралы несие шарты жасалған. Бірақ шартта қаралған, несиені қайтару тәртібін және уақыты бойынша жауапкер өзіне алған келісім міндеттемелерін орындамаған.
ҚР АК 272, 273 -баптарының талаптарына сәйкес, мiндеттеме - мiндеттеме шарттары мен заң талаптарына сәйкес тиiсiнше орындалуға тиiс, ал мұндай шарттар мен талаптар болмаған жағдайда - iскерлiк қызмет өрiсiндегi әдеттегi құқықтарға немесе әдетте қойылатын өзге де талаптарға сәйкес орындалуға тиiс. Заңдарда немесе шартта көзделгеннен басқа реттерде мiндеттеменi орындаудан бiржақты бас тартуға және оның шарттарын бiржақты өзгертуге жол берiлмейдi.
Сот шешімімен «Еуразиялық банк» АҚ талабы қанағаттандырылды.
Шешім заңды күшіне енбеген.
Қазалы аудандық сотының баспасөз қызметі
11 желтоқсан 2017 ж. 399 0

Жаңалықтар мұрағаты

«    Желтоқсан 2018    »
ДсСсСрБсЖмСбЖс
 12
3456789
10111213141516
17181920212223
24252627282930
31