Неке бұзу туралы іс медиация тәртібімен тоқтатылды
![](/uploads/posts/2017-12/1512561700_zagruzheno_2_3.jpg)
Талап қоюшы Ғ. өзінің талап арызында талапкер жауапкермен 2008 жылы неке құрып, ортақ некеден төрт бала тәрбиелеп отырғанын, алайда ортақ түсіністіктің болмауынан некесі жараспағанын көрсеткен. Ортақ шаруашылықтың жүргізілмейтінін, ортақ мүлікті бөлу, және балаларды тәрбиелеу туралы даудың жоқтығын ескеріп, некені бұзуды сұраған.
ҚР АПК-нің 165-бабының 5-тармақшасына сай, тараптарға пилоттық жобаны іске асыру мақсатында азаматтық істі медиация тәртібімен реттеу туралы келісім жасау арқылы аяқтау құқығы түсіндіріліп, хабарлама жолданған.
Алдын-ала сот отырысы барысында, тараптар жанжалды медиация тәртібімен реттеу туралы жазбаша өтініш түсірген.
Алдын-ала сот отырысы барысында тараптардың арасындағы дауды (жанжалды) медиация тәртібімен реттеу туралы келісім бекітіліп, іс тоқтатылған. Келісім бойынша жауапкер М. талап қоюшы Ғ-мен татуласып, отбасын сақтап қалуға міндеттенді, ал талап қоюшы өз кезегінде талабынан бас тарты.
Сот ұйғарымы заңды күшіне енген жоқ.
Қазалы аудандық сотының баспасөз қызметі