Сенбілік – тазалық кепілі
Қазалыда күзгі санитарлық тазалық жұмыстары қызу жүргізілуде. Бүгін аудан орталығы мен барлық ауылдық округтерде сенбілік жұмыстары ұйымдастырылды.
Сенбілік барысында Әйтеке би кентінің Р.Бағланова, В.Счастнов, Жанқожа батыр, Қ.Ерімбет көшелері мен кенттің сырт жағындағы «Тесік көпір» аумағында қоқыстарды және күзгі жапырақтарды тазалау, бордюрларды әктеу, қоршауларды сырлау жұмыстары жүргізілді.
Тазалық жұмыстарына мекеме қызметкерлерінен бөлек аудан тұрғындары да өз аулаларымен көшелерін қоқыстардан тазартып өз үлестерін қосты.
Әйтеке би кентіндегі сенбілік жұмыстарын аудан әкімі Мұхтар Оразбаев аралап көріп, сенбілікке қатысушыларға сәттілік тіледі.
#Қазалы
"ҚАЗАЛЫ" ақпарат
