Сенбілікке аудан халқы белсене қатысты
Қазіргі таңда Қазалыда аудан әкімі Мұхтар Оразбаевтың өкімімен күз мезгілінде өтетін дәстүрлі санитарлық тазалықтың екі айлығы қызу жүргізілуде.Әр сенбі сайын Әйтеке би кенті мен Қазалы қаласы және ауылдық округтер аумағында сенбілік жұмыстары ұйымдастырылуда.
Әйтеке би кентінде ұйымдастырылған тазалық шарасына аудан орталығындағы мекеме-кәсіпорын ұжымдары біркісідей атсалысып, өз аумақтарына тазарту жұмыстарын жүргізді.
Сенбілік барысында «Водакачка» елді мекенінен барар жол, «Мектепбай» каналы, «Қазақ қорымы» және Әйтеке би кентінің шығыс бөлігіндегі теміржол өткелі аумағы шөптерден, қоқыстардан тазартылды.
Сонымен қатар, жеке кәсіпкерлер де базар аумағына сенбілік жұмыстарын жүргізді.
Осындай сенбіліктер жиі өткізілсе, ортақ үйіміз саналатын аудан көшелері одан сайын көркейе түсетіндігіне сенім білдіреміз. Барша аудан тұрғындарын сенбілікке белсене қатысуға шақырамыз!
"ҚАЗАЛЫ" ақпарат
