Қазақстанда жанар-жағармай экспортына тыйым салынуы мүмкін
ҚР ИИДМ, Сауда министрлігі және ҚР ҰЭМ «Қазақстан Республикасының аумағынан мұнай өнімдерін экспорттаудың кейбір мәселелері туралы» бірлескен бұйрықтың жобасын әзірледі. Бұл туралы Orda.kz хабарлайды.Бұйрық жобасына сәйкес, бензин, дизель отыны мен мұнай өнімдерінің жекелеген түрлерін Қазақстан Республикасының аумағынан автокөлікпен шығаруға алты ай мерзімге тыйым салу жоспарланып отыр.
– Автокөлік өндіруші зауыттың және бекітілген техникалық шарттарға сәйкес, көлемі 20 литрден аспайтын дара ыдыстағыдан бөлек көлемде бензин, дизель отыны мен мұнай өнімдерінің жекелеген түрлерін Қазақстан Республикасының аумағынан автокөлікпен шығаруға алты ай мерзімге тыйым салу енгізілсін, – делінген құжатта.
Айта кетейік, аталған бұйрықтың жобасы 1 қазанға дейін қоғамдық талқы үшін «Ашық НҚА» сайтында орналастырылды.
