Көше асфальтау жұмыстары сапалы аяқталуы қажет
Биыл аудан орталығы — Әйтеке би кентінде 2 көшеге қайта жаңғырту жұмыстары жүргізу жоспарланған болатын. Яғни, көше асфальтталып, жарықшам мен тротуар салу жұмыстары жүргізіледі. Бүгінгі күні С.Мұқанов көшесіндегі жұмыстары аяқталуға жақын қалды.Қазіргі таңда Әбілқайыр хан көшесінде қызу жұмыстар жүріп жатыр.
Бүгін аудан әкімі Мұхтар Оразбаев Әбілқайыр хан көшесінде мердігер мекеменің жауапты қызметкерлерімен кездесіп, атқарылып жатқан жұмыстармен танысты.
Аудан басшысы сала мамандарына белгіленген жұмысты сапалы аяқтау қажеттігін тапсырды. Көше бойында тұрған жарықшам бағаналарын кент әкімі Қайрақбай Орынбасаровқа тапсырып, жарықшамы жоқ көшелерге орнатылу қажеттігін айтты.Сондай-ақ, жарықшам орнату мен тротуар салу жұмыстарына қосымша жұмыс күшін тартуды тапсырды.
"ҚАЗАЛЫ" ақпарат
