Атмосфералық фронттардың өтуіне байланысты Қазақстанның басым бөлігінде тұрақсыз ауа райы сақталады, кей жерлерде жауын-шашын жауады. Тек республиканың шығысында ауа райы жауын-шашынсыз болады, деп хабарлайды Baq.kz ақпарат агенттігі.

Кей жерлерде жел күшейеді, жаяу бұрқасын болады, солтүстігінде, оңтүстігінде және оңтүстік-шығысында көктайғақ болады.

Республиканың басым бөлігінде тұман сақталады. Жамбыл, Оңтүстік Қазақстан, Қызылорда облыстарының кей жерлерінде тұман түседі, жел 15-20, екпіні 23-28 м/с, Жамбыл, Оңтүстік Қазақстан облыстарында кей кездерде 30 м/с күшейеді.

Жамбыл, Қызылорда облыстарында көктайғақ болуы мүмкін.

Қарағанды, Ақмола облыстарының кей жерлерінде тұман, көктайғақ, жел 15-20 м/с күшейеді.

Алматы облысының кей жерлерінде тұман, түнде Жалаңашкөл ауданында жел 15-20 м/с күшейеді.

Маңғыстау, Батыс Қазақстан, Ақтөбе, түнде Атырау, Павлодар облыстарының кей жерлерінде тұман түседі, Атырау облысында көктайғақ болады.

Қостанай, Солтүстік Қазақстан облыстарының кей жерлерінде тұман, жаяу бұрқасын, жел 15-20 м/с күшейеді.