Қайырымдылық – жылы жүректен

Сәрсенбінің сәтті күні аудандық орталық кітапхананың ұйымдастыруымен Елбасының "Болашаққа бағдар: Рухани жаңғыру" бағдарламалық мақаласы аясында мүмкіндігі шектеулі жандармен "Қайырымдылық – жылы жүректен" атты кездесу кеші болды. Кешті кітапханашы Бибігүл Күзенбаева жүргізді.

Шараны ашу үшін сөз кезегі аудандық зағиптар қоғамының төрағасы Әлімжан Қияс пен  аудандық мүмкіндігі шектеулі балаларға үйде әлеуметтік көмек көрсету бөлімінің меңгерушісі Нұржан Ерғараевқа берілді. Сонымен қатар, Облыстық зағип және нашар көретін азаматтарға арналған арнаулы кітапхананың кітапханашысы Пернегүл Қошқарова қатысып, жүрекжарды лебіздерін білдірді . Ол өз кезегінде кітапхана ұйымдастырған шараларға белсене араласып жүрген бірқатар мүмкіндігі шектеулі жандарға Алғыс хат табыстап, сыйлықтар үлестірді.

Кездезу кешінің бір бөлігі аудандық кітапхананың тұрақты оқырманы, жас өнерпаз Серікбол Шайықовтың шығармашылығына арналды. Жас ақын өзі шығарған өлеңдерімен қатар баян аспабымен патриоттық сарындағы әндерін орындап, көрермен қошеметіне ие болды.

Дөңгелек үстел басындағы кездесуді аудандық орталықтандырылған кітапханалар жүйесінің бөлім меңгерушісі Зоя Мұстафаева қорытындылады. Ол шараға жиылған жұртшылыққа алғысын білдіріп, ізгі тілектерін жолдады.

Ринат ӘБДІҚАЛЫҚ.