Қазалы Qazaly.kz ақпараттық агенттігі
» » Жаңа жыл- Жаңа үміт, жаңа арман

Жаңа жыл- Жаңа үміт, жаңа арман

Бекарыстан би ауылдық мәдениет үйінде Майдакөл ауылдық округі әкімі Ғалымжан Зинадиновтың қолдауымен ауылдың мүмкіндігі шектеулі балалардың әлеуметтік қызметкері А.Өтемісованың ұйымдастыруымен алғаш рет кең көлемде тұрмысы төмен көп балалы отбасылар және мүмкіндігі шектеулі жандар арасында Жаңа 2018 жылды қарсы алуға арналған «Жаңа жыл – жаңа үміт, Жаңа арман!» атты мерекелік кеш болып өтті.
Мерекелік кешті округ әкімі ашып мерекеге қатысушыларды құттықтады. Ауылдық мәдениет үйінде Жаңа жылдық мереке Тәуелсіз елдің өрендері саналатын бүлдіршіндерге жүздеріне бақыт нұрын ұялату, Аяз ата мен Ақшақардың сыйлықтарын үлестіру мақсатында ұйымдастырылды. Ертеңгілікке қатысушылар көңілді күйде шыршаны айнала ән салып би биледі. Ауылдың ардагерлер кеңесінің төрағасы Б.Садуов, ауылдық әйелдер кеңесінің төрайымы Қ.Бекжанова көп балалды отбасылар мен мүмкіндігі шектеулі жандарға ақ тілектерін жеткізіп, бақыт тіледі. Өмірде мойымауға қай жерде де олардың қоғамда алар орындары бар екенін, алда әліде асуларды бағындыратындарына сенім білдірді. Ертеңгіліктің бүгінгі кейіпкерлеріне арнап Жазира Әбдібаева, Қарлығаш Көзімай, Ажар Зәңгір, Айгүл Төлебаева, Н.Қазиев және т.б. өнерпаздар әннен шашу шашты. Ертеңгілікке қатысушыларға Жаңа жылдық сыйлықтар табыс етілді.
Темір ҚАПАРОВ,
Бекарыстан би ауылы.
28 желтоқсан 2017 ж. 3 353 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031