Қолөнер – сырлы өнер

Шеберлік сағатында аудандық балалар кітапханасының кітапханашысы Г.Примбетова қолөнерге байланысты дайындаған туындысын оқыса, қолөнер үйірмесінің мұғалімі Жанар Ілиясова қолөнер бұйымдарының жасалуын атап өтті.
Іс-шара барысында кітапханашылар оқушыларды қолөнер туралы қордағы кітаптармен таныстырып өтті. Қазақтың кесте өнері, ою-өрнек, әшекей бұйымдарының қалай жасалатынын оқыған балалар өз ойларын ортаға салды.
Кеш соңында аудандық балалар кітапханасының меңгерушісі А.Айтжанова оқушылар үйінің үйірме жетекшілеріне аудандық орталықтандырылған кітапханалар жүйесінің атынан «Алғыс хат» табыстап, балаларға ұлттық қолөнеріміздің шебері бола берулеріне тілектестік білдіріп, естелік сыйлықтар табыстады.
"ҚАЗАЛЫ" ақпарат