"ВІ-жұлдызай" балалар шығармашылық фестивалі өтті

Әйтеке би кентінде наурыз айының 13-і күні аудандық білім бөлімінің әдіскері Надира Амангелдіқызының ұйымдастыруымен Астананың 20 жылдығына орай дәстүрлі "ВІ-жұлдызай" балалар шығармашылық фестивалі өткізілді.

Фестиваль барысында қолөнер, бейнелеу өнері, ән, би жанрлары бойынша 40-тан астам оқушы сынға түсті. Оқушылар өз өнерлерін жоғары деңгейде көрсетіп аудандық білім бөлімінің дипломымен марапатталды. Аудандық психологиялық-медициналық-педагогикалық консультация мекемесі және ауданымыздағы кәсіпкерлер тарапынан демеушілік жасалынып фестиваль соңында әр қатысушыға сыйлықтар үлестірілді.