Жақында Алматы қаласында «Өнерлі өркениет» атты республикалық балалар шығармашылық байқауы болып өтті. Байқаудың мақсаты қазақ халқының асыл мұрасы дәстүрлі ән мен күйлерін дәріптеу, насихаттау, балалардың көркем шығармашылықтарын дамыту болатын.

Байқауға қатысушылар бүлдіршін топ, кіші топ, орта топ, жоғарғы топ болып бөлінді. Негізгі номинациялар: Көркем сөз, вокал, аспапта ойнау, хореограия, бейнелеу өнері, қолөнер, шығарма жазудан оқушылар өз бақтарын сынасты. Қазалы аудандық оқушылар үйінің «Жеке ән» үйірмесінен бірнеше өнерпаз оқушылар қатысты. Үйірме жетекшісі Нағима Қарымсақованың жетекшілік етуімен Сағырбек Жансая, Кәрім Ақниет, Ағыбай Жаннұр, Балнұр Орынбай,Алмас Перизат, Жеткербай Мейнура сынды өнерпаздар қатысты. Өздерінің әншілік талантымен танылған жастардың арасынан ерекшеленіп, көзге түскен Сағырбек Жансая бас жүлде және 20000 сыйақыны иемденсе, Кәрім Ақниет І орын, Ағыбай Жаннұр І орын, Балнұр Орынбай І орын, Алмас Перизат І орын, Жеткербай Мейнура І орынға ие болып, Лауреат атағына және медальға ие болды. Байқау соңында гала концерт ұйымдастырылып, онда әр өңірдің ерекше өнерімен көзге түскен талантты балалары өнер көрсетті. Ал олардың ішінде Сағырбек Жансая да ән салып, Қазалының мерейін тасытты. Өнерлі балаларға болашақта жұлдыздары жана берсін демекпіз.

үйірме жетекшісі.