№249 Е.Бозғұлов атындағы мектеп-лицейдің кітапханасында, аудандық балалар кітапханасының ұйымдастыруымен "Ертегі, ертегі сыр шертеді " атты таңертеңгілік болып өтті.

Орыс педагогі А.В.Сухомолинский: «Ертегі – халық мәдениетінің рухани байлығы, оны тану арқылы бала туған халқын жүрегімен танып біледі» - деп орынды айтқан. Таңертеңгілікте Аудандық балалар кітапханасының меңгерушісі Айна Айтжанова балаларды жақсылыққа үйретіп, жамандықтан жирендіретін, тәрбиелі болып өсуіне сәби кезінен септігін тигізетін халық ауыз әдебиетінің ішіндегі ең жақыны ол – ертегі екенін. Ертегілердің мазмұнында халықтың тыныс-тіршілігі, әдет-ғұрыптары мен дәстүрлері, бақыт жолындағы күресі, адамдардың өзара қарым-қатынастары мен мінез-құлықтары, адамдардың еңбексүйгіштігі, өз халқына, Отанға, туып- өскен табиғатқа деген сүйіспеншіліктері бейнелене келе, қазақ халқының патриоттық тәрбие берудегі тиімді құралдарының бірі – ертегі екенін айтып өтті. Кітапханашы Динара Алдақиярова балаларды ертегі кітаптарымен таныстырып, ертегілер оқып берді. №249 Е.Бозғұлов атындағы мектептің кітапханашысы Нұржанова Шамшырақ таңертеңгілікке арналған көрмемен таныстырып, кітапхана қызметкерлеріне рахметін айтты.