Қар жауып, бірақ заң бойынша көлік дөңгелегін ауыстыруға ерте болса, не істеу керек?
Фото: depositphotos.comҚысқа дейін бір айдан аз уақыт қалса да, Қазақстанның кейбір өңірлерінде қар жауып үлгерді, тіпті кей жерлерде қозғалысқа шектеулер қойылып жатыр. Мұндай жағдайда жүргізушілер не істеуі керек екенін Tengri Auto анықтап көрді.
Заң бойынша дөңгелекті қашан ауыстыру керек?
Сарапшы Евгений Каримовтың айтуынша, жазғы шиналарды 1 желтоқсаннан бастап қысқысына ауыстыру керек және олармен 1 наурызға дейін жүру міндетті. Осы күнге дейін жүргізушілер ауа райына қарамастан жазғы дөңгелекпен жүре алады.
Бірақ іс жүзінде жазғы шиналар күнтізбеге қарамастан, температура 7 градустан төмендегенде өз қасиеттерін жоғалтады. Сондықтан жүргізушілерге ауа райы жағдайларына бағдарланған жөн.
Қар жауып тұрса, жазғы дөңгелекпен жүруге бола ма?
Заң тұрғысынан алғанда, 1 желтоқсанға дейін жүргізуші жазғы шиналармен жүре алады. Алайда қауіпсіздік тұрғысынан мұндай сапар қатерлі болуы мүмкін.
Каримов тек өз жүргізу дағдыларыңызды емес, сонымен қатар қозғалыстың басқа қатысушыларының әрекетін де ескеруге кеңес береді.
"Жазғы шиналармен 1 желтоқсанға дейін жүруге болады, әрине, бұл қыста жеңіл аяқ киіммен жүргенмен бірдей. Сарапшының айтуынша, егер жүргізуші жазғы дөңгелекпен қарлы жолда қалып қойса, ол өте мұқият болуы керек", - деп атап өтті ол.
Мерзімінен бұрын дөңгелек ауыстырып, тікенек шиналармен жүруге бола ма?
Заң желтоқсан айы басталғанға дейін қысқы шиналарды орнатуға тыйым салмайды. Сондықтан жүргізушілер міндетті мерзімді күтпей-ақ, көлігінің дөңгелегін алдын ала ауыстыра алады.
Жеке шектеулер тікенек шиналарға (шипы) қатысты. Техникалық регламентке сәйкес, оларды жазғы кезеңде - маусым, шілде және тамыз айларында пайдалануға тыйым салынады.
Желтоқсанға дейін жазғы дөңгелек үшін айыппұл салуы мүмкін бе
Евгений Каримовтың сөзінше, міндетті қысқы кезең басталғанға дейін жазғы шиналарды пайдаланғаны үшін жаза қарастырылмаған.
Қысқы дөңгелектің міндеттілігі туралы талап 1 желтоқсаннан 1 наурызға дейін күшінде болады. Сондықтан қараша айында жазғы шиналармен жүру фактісінің өзі айыппұл салуға негіз болмайды.
