Қазалы Qazaly.kz ақпараттық агенттігі
» » » Ерлігі дастан, елдігі асқан – Қазақстан

Ерлігі дастан, елдігі асқан – Қазақстан

Аудандық балалар кітапханасында Тәуелсіздік күніне орай «Ерлігі дастан, елдігі асқан – Қазақстан» атты жас суретшілер сайысы болып өтті. Оған Ж.Жабаев атындағы №234 мектеп, Қ.Сəтбаев атындағы №216 мектеп, 266 мектеп-лицей, Б.Мергенбаев атындағы №226 гимназия оқушылары қатысып, өзара бақ сынасты. Онда Қ.Сәтбаев атындағы №216 мектептің бейнелеу пәнінің мұғалімі Дәурен Сәрсенбаев оқушыларға сайыс шарттарын таныстырып, жас талапкерлерге сәттілік тіледі. Мектеп кітапханашылары: М.Садық, А.Қожагелдиева, Л.Әбдіраманова еліміздің әр азаматы үшін маңызы бар тарихи күнде туымыз асқақтай берсін деп ыстық лебіздерін білдірді.
Жарысқа қатысқан оқушылар: Н.Байқадамов, Е.Нұржан тәуелсіздікке арналған ақын жазушылардың өлеңдерің жатқа оқыса, А.Тілектес халық туындысы «Қапы», Құрманғазының «Шынаяқ» күйін тартты.
Бас жүлдені Қ.Сəтбаев атындағы №216 мектептің оқушысы Алтынбек Рамазан иеленсе, бірінші орынды Б.Мергенбаев атындағы №226 гимназиядан Есқара Сабыржан жеңіп алды. Екінші орынға Ж.Жабаев атындағы №234 мектептен Жарас Ұлжан жайғасты. Ал №266 мектеп-лицейдің оқушысы Ақбаян Назарова үшінші орынды қанағат тұтты.

Д.АЛДАҚИЯРОВА,
аудандық балалар кітапханасының кітапханашысы.
18 желтоқсан 2017 ж. 1 646 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031