Берік отбасы – есірткіден аулақ
Отбасы – бала болашағының берік іргетасы. Әрбір баланың бақытты өмір сүріп, арманына жетуі ең алдымен отбасындағы тәрбиеге, ата-ананың қолдауы мен сеніміне байланысты.
Біз, отбасымыз, бала тәрбиесінде ашық әңгіме мен өзара түсіністікті маңызды деп санаймыз. Баланың ойын тыңдау, қиындықтарын бірге шешу, дұрыс таңдау жасауына бағыт беру – ата-ананың басты міндеті. Өйткені бала өзін түсінетін, қолдайтын ортаны отбасынан табуы керек.
Есірткі тұтыну мен оның заңсыз айналымына тартылу адамның денсаулығына, қауіпсіздігіне және болашағына қатер төндіреді. Сондықтан балалар мен жастарды зиянды ықпалдан қорғау – отбасы мен қоғамның ортақ жауапкершілігі.
Құрметті ата-аналар, балаларымызға үлгі болайық! Құрметті жастар, өз өмірлеріңді бағалап, білімді, белсенді әрі салауатты өмірді таңдаңдар! Қиындық туындаса, көмек сұраудан қорықпаңдар.
Біз қауіпсіз болашақты, берік отбасын және есірткісіз қоғамды қолдаймыз!
Берік отбасы – есірткіден аулақ!
Ғ. Артықбаев
