«Парасат» орденімен марапатталды
Ұлыстың ұлы күні – Наурыз мерекесі қарсаңында бірқатар жерлесіміз Қазақстан Республикасының Президенті Қасым-Жомарт Кемелұлы Тоқаевтың Жарлығымен мемлекеттік наградаларға ие болды.Қызылорда қаласындағы Өнер орталығында өткен салтанатты жиында облыс әкімі Нұрлыбек Нәлібаев еліміздің дамуына қосқан елеулі еңбегі үшін Қызылорда облысы әкімінің орынбасары, бұған дейін Қазалы ауданының әкімі қызметін атқарған жерлесіміз – Шермағанбет Мейрамбек Зинабдинұлына мемлекеттік награда – «Парасат» орденін табыстады.
Мереке қарсаңында табысталып жатқан мемлекеттік марапаттар Президентіміздің өңір халқына ыстық ықыласы мен бірлесіп атқарған жұмыстарға берген оң бағасы, барша жерлестеріміздің бекем бірлігі мен тату тірлігінің жемісі!
Мереке қарсаңында құрметке бөленіп жатқан Мейрамбек Зинабдинұлын барша Қазалы жұртшылығының атынан шын жүректен құттықтаймыз!
Еліміздің өркендеуі мен халық игілігі жолындағы еңбегіңіз табысты болғай!
«ҚАЗАЛЫ» ақпарат
