ҒАНИ МҰРАТБАЕВ АУЫЛЫНЫҢ ТҰРҒЫНДАРЫ РЕФЕРЕНДУМДА БЕЛСЕНДІЛІК ТАНЫТУДА
Бүгін елімізде өтіп жатқан Қазақстан Республикасының Конституциясына арналған республикалық референдумда Ғани Мұратбаев ауылының тұрғындары жоғары белсенділік танытуда. Таңғы сағаттардан бастап ауыл халқы сайлау учаскесіне келіп, өз таңдауларын жасап, ел болашағына бейжай қарамайтындықтарын көрсетті.Ауыл ақсақалдары мен ақ жаулықты аналар, еңбек ардагерлері мен жастар бірліктің үлгісін танытып, маңызды саяси науқанға атсалысуда. Тұрғындардың айтуынша, референдум – әр азаматтың ел тағдырына қатысты өз пікірін білдіріп, мемлекет дамуына үлес қосатын маңызды мүмкіндік.
Бұл күні ауылдағы дауыс беру учаскесінде мерекелік көңіл-күй қалыптасып, тұрғындар ұйымшылдық пен ынтымақтың жарқын үлгісін көрсетуде.
Ғани Мұратбаев ауылының халқы ел дамуына бағытталған саяси науқаннан қалыс қалмай, азаматтық белсенділіктің жоғары деңгейін байқатып отыр.
