Алтын алқалы аналар дауыс берді
Жанкент ауылындағы №89 сайлау учаскесінде елге сыйлы, көп балалы аналар – «Алтын алқа» иегерлері Байтөре Кеңескүл мен Алдан Бекзада саяси науқанға белсене қатысып, өз таңдауларын жасады.Қос ана сайлау учаскесіне ертемен келіп, ауданның болашағына бей-жай қарамайтындарын көрсетті. Олар өз сөздерінде ауданның дамуына бағытталған игі бастамаларға сәттілік тілеп, бейбіт өмір, бірлік пен береке үшін ақ баталарын берді.
– Ел ертеңі – бүгінгі жасалып жатқан таңдауымызға тікелей байланысты. Ұрпаққа жақсы өмір қалдыру үшін әр азамат дауыс беруге тиіс, – деді аналар.
Құрметті аналардың бұл әрекеті – үлкенге құрмет, елге жанашырлықтың айқын үлгісі. Олардың белсенділігі сайлауға қатысып жатқан өзге тұрғындарға үлгі болып, саяси науқанның маңызын арттыра түсті.
#Сайлау2025 #ҚазалыСайлауы #АлтынАлқа #АсылАна #АзаматтықПарыз
