Сыбайлас жемқорлыққа қарсы күрес – қоғам мәселесі
2024 жыл Қазақстанда сыбайлас жемқорлыққа қарсы күрес саласында елеулі қадамдар мен жаңа бастамалардың іске асқан жылы болды. Мемлекет бұл мәселеге қатысты жаңа механизмдер мен тиімді әдістер енгізіп, қоғамдық бақылауды күшейтті. Жыл бойы сыбайлас жемқорлықтың алдын алу мен оған қарсы іс-қимылдың заңдық негіздері нығайтылып, мемлекеттік қызметте ашықтық пен есептілік артты. Бұл іс-шаралар мен бастамалар халықтың мемлекеттік органдарға деген сенімін арттыруда маңызды рөл атқаруда.
Мемлекеттік қызметшінің міндеті – халық арасында дұрыс пікір, оң көзқарас, оған деген айқын сенімділік қалыптастыруы. Бұл үшін кызметшінің кәсібилік деңгейі мен жоғары моральдық адамгершілік қасиеттері қатар тұру керек. Ол үшін, сыбайлас жемқорлыққа қарсы күрес Заң талаптарын қатаң орындауды, мемлекеттік қызметшілердің мемлекет алдындағы міндеттері мен мінез-құлық ережелерін қатаң сақтау.
Дегенмен, сыбайлас жемқорлыққа қарсы күрес тек мемлекеттің мәселесі емес, ол еліміздегі әр бір азаматтың, қоғам алдына қойып отырған үлкен міндеттерінің бірі. Ендігі жерде ел аумағында әрбір қарапайым жанның коррупцияның құрбаны болмауы, сыбайлас жемқорлықтан құтылудың қоғамның, халықтың, тұтас бір ұлттың бүгіні мен ертеңіне қосқан үлесі болар еді.
Болашақты бұлыңғыр етпей, жарқын өмірді қалыптастыру үшін бұл кеселмен қоғам болып күресуіміз керек.
Н.Наурызбаев,
Қазалы аудандық аумақтық инспекция басшысы
